人真係要做錯野先識知錯!!

我都要搵過另一份工做喇，都抖左３日喇！聽日我要去搵工喇，要同你地班後生仔一齊努力喇！你地就努力讀書，我就努力讀書兼搵錢！其實要做好兩樣野真係幾難，不過我都要做！無論有幾難都好我都要過到自己個關，証明自己既能力，我要証明俾你地睇我係得既hehe^^不過講就容易，做就幾難喇！希望我自己做到啦！其實唔番工，成日係屋企真係幾悶囉！咁我寧願做野囉，好過係屋企呆呆制制過一世啦！

今朝俾啷啷仔７點半整醒左我，叫我起為飲茶喎－－俾野隻激死！不過都唔關佢事既，係阿媽叫佢整醒我，叫我起身飲茶既！跟住就刷牙洗面換衫就出去喇！阿媽佢地約左阿麻、阿公同阿婆佢地去飲茶，唔洗講阿公緊係最早到啦！點解？？因為佢去搵位先囉^^去到海霸我地都成９點咯，點知阿麻仲未到喎，咁我地唯有等埋佢泥先嗌野食啦，過左陣我都係去搵佢喇，廢是老人家俾人賣豬仔啦hehe^^ｅｄ都係講下姐！飲完茶都成９點８咯，跟住阿麻話去新墟行下，而我地就同阿公同阿婆去智樂，大家都唔同路，我地唯有叫阿麻佢小心ｄ啦！ｔｈｅｎ我同我老豆就去行下周圍既寵物店，而阿媽、細老、阿公同阿婆就番上阿公阿婆佢地屋企先，我細老話上去捉棋喎，真係俾佢吹賬！咁我地就分開左喇，我同老豆佢睇左好多間呀，都搵唔到啷啷仔既心水零食，仲行到周身大汗，不過周身大汗都值得既，鬼叫我應承左佢今個月出糧要買零食俾佢咩！行左幾間都冇乜心水零食，咁我就同老豆行去新墟睇下，行到市中心我老豆話上去屈臣（屎）＜－－唔記得點寫，呵呵^^買牙刷頭－－真係俾佢玩死！點知個電話震喎，原來我有個未接聽既電話唷，ｃｈｅｃｋ番原來個秀河個妹釘搵我！尋晚講明９點打加麻，遲１個字就請食一餐飯～哈哈！佢遲左１個鐘，姐話１２餐飯啦！買完經過好多電話公司，就去睇左陣手提電話，咁岩睇左部，但係冇錢買呀＞＜ｓｏ要草錢買喇，但係我又諗起一樣野，我好似好耐之前應承左詠紅送野俾佢，直到而家都未送到俾佢喎！唉！諗諗下都係遲ｄ先買個部電話啦！！跟住我地就入左百佳買個ｄ大大兜既雪糕番去同啷啷仔一齊食嫁，點知冇喎＞＜咁就唯有走啦！我地一路行一路就流汗，經過一間７仔又見到請人喎，我老豆就問我入唔入去問下呀？？我諗左陣就入左去！個個經理問左好多野呀，有ｄ仲問到我口啞啞唔知點答佢＞＜同果個經理傾左陣，佢話請我，但係我心入面諗我岩岩先可以走出７仔既路，點解我又要去見ｌｅｅ份工呢？我真係自己都唔識答自己囉！咁當時我只好同個個經理講，俾幾日時間我考慮遲ｄ答覆佢啦！咁我地就走左咯！！行多兩分鐘我地就到個間寵物店，我地唔知講起咩，個老闆娘就問我幾多歲？我就照直答佢啦，點知佢話我似１６歲喎，真係ｏ哂，今日都唔知咩事＞＜酒樓到見到阿媽個同事，佢話我好似１６歲既細路咁，跟住頭先見工個經理又話我好似未夠１８歲咁，覺得我似１６、７歲既細路！唉！乜我個樣真係咁細個咩－－講番買零食個到喇，我地簡左陣就買左５００幾蚊野－－今次係我大出血，唔係佢地大出血！買左包狗糧、２大包雞肉片同埋３包ｏｋ大包既煙肉俾佢！真係估唔到佢既零食仲貴過我地人既零食呀－－鬼叫我應承左啷啷仔買野俾佢食加麻，咁又冇理由買１兩包咁少加麻！咁反正都買咯，咪買多ｄ囉！咁我要養佢就緊係要對佢好多嫁啦，佢都有生命加麻！買夠野我地就番去阿婆到食飯咯，行到阿婆樓下覺得好頸喝，就去惠康買左兩支可樂同老豆一人一支，一邊飲一邊行！上到阿婆屋企，真係焗到爆又熱到爆，我地就拿拿淋食完就走，好似好衰^^不過冇計真係好熱麻！番到屋企緊係即刻開冷氣啦，仲熱唔夠咩－－睇左陣電影，我打打俾秀河個妹釘喇，傾左陣啦！不過都唔知傾左幾耐^^收左線之後我就悶到而家喇！好彩今晚有電影睇，唔係我真係悶死！要去沖涼喇kaka^^

 

我終於逃出e間７仔既魔掌喇，勁開心！！抖一排我就搵過另一份工咯，當然緊係搵份唔洗捱夜嫁啦！！尋晚係最後一晚，緊係要做到ｔｈｅ　ｂｅｓｔ啦，廢是佢打泥鬧鬼我！尋晚都係影左幾張相咋，不過唔記得阿東休息，搞到冇同個咸濕東影相，哈哈^^我真係好多謝佢地教左我咁多野，佢地對我都好好真係好開心！！雖然一開始唔係好鍾意萍姐，但係相處落去我地都好岩傾，成晚有講有笑！！阿東就唔洗講啦，佢成日講ｄ咸濕野癮我笑，正一咸濕佬泥嫁ha^^係個到我真係識到唔少人，亦明白到咩人都有，真係體會唔少！今日見到ｄ著住校服番學，我就諗起以前係學校既生活不知幾好，但係而家............後悔都太遲喇！唯有努力讀好ｌｃｃ　ｌｖ３啦，ｅ個係我唯一既希望，真係想做一個〔敬業樂業〕既人啦！！真係好後悔當初冇盡過一點力去考會考！可能個時既我淨係識玩啦，唔知咩叫將來！睇泥我真係要為自己未來打算下喇，唔可以成世都混混岳岳咁過日子喇！！我而家仲有阿媽老豆要養嫁，雖然佢地唔係等我份工ｄ錢泥開飯，但係做仔既都冇理由唔做番做仔既責任加麻^^佢養左我咁耐，我都係時候要做番ｄ野報答佢地喇！我要做個有用既人呀！！

最衰都係你啦～秀河＞＜搞到我唔知醒，又話打俾我喎，激死人！我應承左種菜玩領戰加麻＞＜點知訓過龍添！！最衰都係你啦，不過我都唔會怪你，因為我自己都有責任，自己冇教鬧鐘^^算啦！我又眼訓喇，去訓先喇！！

 

 

你既問卷呀!!問哂你所有問題喇，仲幫你加多個問題添呀^^哈哈記住回我個個問題呀!!

*最唔想失去既朋友:唔知唷

*曾經既朋友:多得的是，數唔哂

*曾經既男/女朋友:記得都唔話你知

*現在既男/女朋友:冇啦!!自由身，正^^

*現在失去既野:你就係手提，我冇失去任何野喎^^

*相信永遠唔會失去既野:友情同親情，愛情唔敢肯定^^

*永遠唔會失去既朋友:冠林同阿古

*你相信既人:以上個兩個

*你想得到既野:um......多到數唔哂

*你想做既野:打死都唔唱k，想做大富翁唔係玩個d喎kaka^^

*唔想俾邊個串:唔想俾你(妹釘)串

*最愛既人:我冇你咁貪心!!有既不過唔話你知^^

*曾經最愛的人:um......緊係飛左去英國果個啦

*飲咩飲得最多:我想知除左水之外，仲有咩呀??=.=你出e個問題都幾搞笑=.=

*鐘意人同你講咩:um.........好似冇(冇e種特別既迫好)

*最想邊個like u:又一貪心之人(妹釘)，唔話你知，等你心思思^^

*要友情定愛情先:兩樣都要，雖然貪心左d，但係都係應該既^^

加多個問題:

*如果你最好既fd、你最愛既男/女友同最親既人跳左落海，你會救邊個先???(3簡1)

答:我會3個都唔救kaka^^講下姐!!其實我都唔知救邊個，不過我會救左對我好既人先囉，係對我最好既人先!!

---

---

講真前兩日我真係唔想再打日記嫁喇!!不過妹釘你咁講又岩既，日記唔係為邊個而家打!!其實我唔係為佢而唔打，係好嬲而唔想打!!不過我明你講咩喇，所以我會打埋落去，直到我唔得閒再冇時間，我先唔打啦!!真係多謝你^^留言呀，妹釘!!

尋晚成晚發惡夢呀＞＜仲要係ｄ無聊夢，証明我係個無聊人ｈａｈａ！！今朝６點就醒左喇！醒左冇野做，唯有開電腦打機啦！打機打到１點半就出去睇戲！其間秀河（雞尾包）ａｄｄ我，同佢傾左陣計！佢話我訓唔著係因為掛住佢，所以訓唔著．．．．．．我只好哄下佢啦，話係囉kaka^^！！跟住又問我發左咩夢？我就話答佢發夢同以前個女友分手既情景姐！！點知佢話我一晚諗咁多女人喎－－激死！跟住佢就問左關於佢既野喇！！其實你地ｄ女仔咁多野諗咁多野問嫁－－八妹仔haha^^！不過佢都幾得意既，此終都係妹釘^^講番出戲丫！我睇個出＜＜毒蛇嚇機＞＞開頭好鬼好笑，個ｄ人係咁俾人咬重要部衛，我個ｆｄ同我細老笑到肚痛^^睇完之後我地去左食壽司喇^^搭車個陣真係好眼訓，點知真係訓左．．．．．．好彩有佢地叫醒我，唔係既話我又飛哂站喇！！番到泥唔夠２個字，妹釘就打泥喇！傾左半個鐘到我就去沖涼，之後打番俾佢！Ｔｈｅｎ阿媽話要用電話，咁我地就收左線喇！佢就ｏｎ　ｉｃｑ搵我啦！佢話佢ｅ兩日要去姨媽到住喎，ｓｏ搵唔到佢喇！點知個妹釘叫我唔好再諗咁多女人喇－－俾佢吹賬！！佢仲話夢見佢最好喎，哈哈！！等我考慮下啦，雞包仔！！睇你成日話我豬仔包丫拿！聽朝米咁早打俾我呀，我老豆聽電話鬧你，我都幫唔到你！！我都唔夠佢揪，點幫你呢！！係時候訓覺喇！！早抖！

本來前日發燒未好番，尋晚唔想番嫁喇！但係我又諗下如果我唔番就冇人番－－廢是老闆難做啦！點知...................

唔知點解尋晚我唔覺得累喎，可能尋日係訓得最耐既一日啦^^鬼咁精神！尋日阿卿打過俾我話佢岩岩番左泥仲話遲ｄ落泥探我！

聽到真係好開心呀，可能佢係鋪頭到對我最好既一個！不過可惜丫，佢已經冇做喇＞＜好彩我地仲有聯絡！其實而家舖頭入面ｄ人都

對我好好，開始覺得過得幾開心！反而以前我好憎果個肥婆，對我好好呀！我地有講有笑，都好開心！ｄ客都對我好好嫁，佢地同我都有講有笑，有個客仲成日請我食野呀，有個就俾利是我呀！哈哈！好正！！不過有ｄ就賤格ｄ，成日講咸野＞＜仲要係同我地講喎！！激死！

開心既野真係好多，同阿麗個仔打波啦、同阿卿傾計啦、同阿東食野講笑啦、萍姐講下笑食下野咁啦，阿豪就係最年輕既一個，亦係一個最開郎既人，同佢傾計真係好多話題（例如：講下打機啦、講下拍拖ｄ野囉，仲有好多喇唔記得喇）識到佢地真係好開心呀^^唔開心既事終於都發生...................

尋日我番到鋪頭個時未夠仲開工就企左係到傾計都傾左成個鐘呀！！點知見到阿卿喎，我地傾左陣佢就走喇！

前晚我寫左張紙俾老闆話佢知我做埋今個月我就唔做喇，我要專心讀書呀！寫左之後尋晚番到去問阿東佢地老闆有咩反應呀，佢地答我既答案我好驚訝囉！老闆話我簽左１年約，唔可以走喎！要做滿一年先走得喎，當時聽到我呆左囉！我自己都唔知幾時簽左一年約！一年話長唔長話短唔短嫁，一年可以做到好多野嫁喇－－我唔想浪費一年時間係７－１１囉！我明明簽左一份強積金既野，點知尋日同我講既係我簽左１年既約，咁等同賣我豬仔有咩分別！個時我真係好想打俾老闆凸佢，鬼叫佢簽之前唔講我知呀，如果係一年既話我一定唔會做！我自己又衰既唔睇清楚先簽－－最後都冇打到俾佢，我決定星期４見到佢問清楚佢，如果佢話真既話，我一定會同佢反面，即刻唔做！等佢自己做飽佢啦真係諗起都火呀！正仆街泥嫁！搞到我成晚鬼咁精神！

ｅ幾日都好似見到沙沙同佢ｄ　ｆｄ係我鋪頭出面行泥行去，跟住又入泥買野食喎！係咪探我班姐，係就買ｄ野俾我食麻^^探班唔買野我食唔好嫁播^^唔好意思我係咁為食嫁喇，鬼叫食極都唔肥咩^^你唔好咁夜出街啦！３聖太多怪人喇，一陣佢捉左你地賣你地豬仔呀haha^^

我收到你封信喇！秀河！我想話你知，你寫錯字囉！哈哈^^係笏唔係ｘ <<<電腦冇ｅ個字添，打唔到出泥=.=你寫信好似寫文咁喎，成４００字－－我星期５放假先去買信封同信紙呀，個日寫完再寄番俾你丫！到時我作番４００字俾你下，寫論文kaka^^

妹妹都多謝你個公仔呀！不過你真係傻咯，你咁細過............點會想做我老婆嫁？？你得７歲到咋！你姐姐還你姐姐，你還你麻！你要同你個男朋友仔一齊加麻，哥哥大你咁多！你要識諗喇，你都大過喇，知冇？？

今日有得ｂｂｑ唷！開心死！有人陪我傾計同玩呀！正呀^^

而家先估到果個詞語點解..............死蠢唷^^不過好似教壞左你添kaka^^

一陣你媽咪斬死我，話我教壞左你^^你應該會幫我既，係咪??^^